Bon biní na e famia di Global University! Muchanan di hopi pais tambe ta studia e lèsnan aki. Tambe hopi di nan mayor i rumannan. Dikon? Pasobra nan tur gusta lesa tokante e gran hòmber i muhénan ku a biba hopi tempu pasá. Pasobra e ta leuk pa wak e plachinan i hasi e kosnan ku nan ta pidi bo pa hasi den kada lès. Lo bo gusta e lèsnan aki pasobra bo ta siña tokante di Dios. Lo bo lesa tokante di e hendenan ku Dios a stima. Dios a hasi hopi kos maraviyoso pa nan. Lo bo mira tambe kon Dios ta stima abo i ta hasi kosnan maraviyoso pa bo.

Siña esaki tokante di Dios: Dios tin un buki ku yama Beibel. Dios ta konta bo e bèrdat di dj’E den Beibel. Dios semper tabat’ei i semper lo t’ei. Dios por tur kos. El a traha mundu. Dios ta tur kaminda i sa tur kos. Dios a krea bo. E konosé bo i ta stima bo. Dios ta bon. Ora bo konos’E, lo bo stim’E.

Siña esaki tokante di Dios: Dios por hasi loke niun otro hende por hasi. Dios por krea, traha algu for di nada. Dios a traha mundu den seis dia. Dios a traha un mundu bunita pa abo biba. Dios a traha seis dia pa hasi trabou i un dia pa sosegá. Dios ta siña bo den Genesis kon El a traha mundu. Genesis ta den e promé parti di e buki di Dios, e Beibel.

Siña esaki tokante di Dios: Dios a traha e promé hòmber i muhé manera E mes. Dios tabata ke pa nan ta Su yunan. Dios ta stima Su yunan i ta kuida nan. Dios a krea abo tambe i ke pa bo ta Su yu. Lo bo ta kontentu pa hasie loke Dios ke pa bo hasi.

Siña esaki tokante di Dios: Dios ta siña Su yunan pa hasi loke ta bon. E enemigu di Dios ta purba pone hende hasi piká. Piká a separá Adam i Eva for di Dios. Te ainda Dios ta stima esnan ku a hasi kosnan malu. Dios ta bisa bo den e Beibel kiko bo tin ku hasi.

Siña esaki tokante di Dios: Dios ta yuda mayornan pa nan kuida na yunan. Dios sa kon bo ta sinti tokante otronan. Dios ta kastigá esnan ku trata otronan malu. Dios ke pa bo trata otronan bon.

Siña esaki tokante di Dios: Dios a hiba Henok shelu sin ku el a muri. Dios tin un kas maravioso pa bo den shelu. Kana ku Dios. E lo hiba bo shelu.

Siña esaki tokante di Dios: Dios ta kita tur kos ku ta malu. Dios ke salba hende. Dios ta salba tur esnan ku ta obedes’E. Dios lo salba abo.

Siña esaki tokante di Dios: Dios ta kuida esnan ku obedes’E. Dios ta kontentu ora nos bisa “Danki Dios”. Nos ta duna ofrenda na Dios dor di bisa “Danki Dios”.

Siña esaki tokante di Dios: Señor ta un otro nòmber pa Dios. Tin hende ta traha nan mes diosnan. Señor ta e ùniko i berdadero Dios. Dios ke pa bo hasi orashon n’E.

Siña esaki tokante di Dios: Dios a yama Abram pa siguiE. Dios ta guia i bendishoná esnan ku siguiE. Dios ta guia bo dor di Su buki—E Beibel.

Siña esaki tokante di Dios: Dios a manda un lamchi pa salba Isak. Dios a manda Su Lamchi pa salba abo. Abo mester akseptá e Lamchi di Dios pa bo ta salbá.

Siña esaki tokante di Dios: E bendishon di Dios ta bal mas ku kuminda. Dios ta pordoná i bendishoná Yakob. Dios a traha un kaminda pa abo bai shelu. Dios lo yuda bo konfesá, “Pordoná mi.”

Siña esaki tokante di Dios: Tin hende ta purba hasi daño na esnan ku ta stima Dios. Dios lo ta ku bo unda ku bo ta. Dios lo hasi tur kos pa sali bo di bon. Dios lo yuda bo pordoná esnan ku hasi bo daño

Siña esaki tokante di Dios: Beibel lo yuda bo konosé Dios mihó. Hesus lo yuda bo konosé Dios mihó. Spiritu di Dios lo yuda bo konosé Dios mihó. E hendenan di Dios lo yuda bo Dios mihó. Lo bo konosé Dios mihó den shelu.